有个唔想联系噶初中同学，五年还系阴魂不散

NiCK · 发表于 2023-8-17 11:16:00

我有个初中同学，我唔中意佢性格，唔中意同佢一齐玩，叫佢咪揾我，我总系唔理佢，不过佢成日坚持搵，我真系唔知点做好。

之前就系叫我出嚟玩，我觉得佢性格唔系几好。佢性格好硬颈，悲观。我虽然唔系好钟意佢呢种性格嘅人，但我又有D唔系太忍心伤害佢。佢读完初中就冇读书，直到我已经读大学啦，同佢相处哈时候，佢有咩烦心事，唔开心嘅都同我讲，搞到我每次同佢相处心情都会跟住唔好，次次都要安慰佢。

比如佢成日同我讲，做嘢好辛苦，滴人点唔好，好攰啊之类噶负能量话题，而且我发现只要同佢讲实话，讲啲佢唔好嘅地方，佢都唔愿意接受，甚至会顶直接驳翻转头，所以好多时候，我都唔想出声。

甚至有一次我同佢出去食嘢，佢去厕所，我就帮佢睇银包，然后返屋企果阵，就怀疑系我偷咗佢一百蚊，因为佢翻屋企发现一百蚊唔见咗，就打电话过嚟闹我。跟住我就决定再都唔同佢玩了，因为我本身都觉得我同佢呢种性格嘅人玩唔嚟，总会有种好悲观嘅心态。但系我唔理佢期间，佢一直揾我，两年几过去啦，佢一直揾我，我都冇睬佢。佢发微信我直接拉黑屏蔽，佢特登用唔同嘅手机号码打电话比我，我微信屏蔽佢五年之后，我删咗佢，佢又用新嘅号重新加我，总有种阴魂不散嘅感觉

来自安卓APP客户端