唔烟唔酒男人就会死咩？系唔系啊？

阅读模式 · 发表于 2022-12-12 14:22:25

最近成日因为佢曾经应承过我，然后冇做到嘅嘢而吵架。开始发现，男人真系婚前结婚之后两个衰样。

同佢拍拖前，佢系食烟嘅，但系拍拖之后，我讲，我闻烟味个鼻就难受，佢就为我将烟戒咗，都承诺话以后再唔食烟。但最近我发现，佢又喺度食烟，有几次仲喺屋企间客厅食。
结婚前，佢同佢朋友经常出去饮酒宵夜，到半夜先返屋企，后来快结婚应承过我，以后结婚，半夜冇咩事唔会出去饮酒，但12月份先过咗半个月，佢就已经出去三四次，次次都系大醉噉返嚟屋企。

另外，就系生活中d湿碎嘢，比如话唔讲卫生，唔中意冲凉，屋企衫乱丢，我执好一阵又比佢搞乱。以前，只要我嬲咗，佢都会哄我，依家好，就算系佢错咗，我一嬲佢就同我吵架，把声大过我，就算我哭左，佢都无动于衷。
甘样嘅情况，系唔系证明佢已经唔再爱我呀？
（希望大家理性比意见，我好辛苦，唔好语言过激，我真系好难过）

来自安卓APP客户端