因为唔想食男朋友家长嘅口水尾，吵晒架！

被子里的猫 · 发表于 2022-11-29 09:41:45

寻日表妹嚟我屋企食饭，期间呢，向我怨咗一轮佢过于热情嘅未来公婆。

讲真，佢未来嘅家公家婆系好钟意佢，就系表达嘅方法佢接受唔到。

表妹已经同佢男朋友订婚，未来公婆都经常叫佢去屋企食饭。都整左好多佢钟意食嘅野。食饭期间呢，就中意帮佢夹餸到佢个碗度。有时夹比佢满满一大碗，已经食唔落啦，仲要夹比佢。最最冇办法接受嘅系，佢父母钟意喺夹餸前将筷子摆到嘴边呲一下。。。佢有时候，真系要黐线啦，佢哋屋企冇用公筷嘅习惯，虽然男朋友讲过好多次，唔使咁客气，自己想食乜夹乜，但系都系阻止都唔到佢父母嘅热情。。。

跟住上礼拜，佢父母又叫我表妹去屋企食饭。表妹，实在系唔想去，就话要加班搪塞过去。冇霖过，佢男朋友都带住爸爸妈妈做嘅餸菜用保温盒比我表妹带去公司，尴尬，一到公司先发现我表妹讲大话，人唔响度。

然后两个人就吵架。佢男朋友就话，自己爸爸妈妈对佢咁好，佢居然都讲大话呃佢屋企人，话佢矫情。我表妹呢，又再次强调，只要以后唔好咁热烈同佢夹餸，佢都好中意去佢屋企嘅。但依家佢男朋友就觉得我表妹系喺嫌弃佢父母，冇将佢父母当系一屋企人。

所以我想问一下大家，人哋用口吃过嘅筷子帮你夹餸，你地会有咩表情？

来自安卓APP客户端