话到我老公唔敢搏嘴，宜家d男人真系多事

快乐雯雯 · 发表于 2022-11-28 09:16:20

前几日我阿妈生日，我帮我阿妈买咗条金嘅颈链啊，大概一万蚊，然后我老公唔开心，讲乜甘大支出都唔同佢商量，过个生日有必要用咁多钱咩？我其实知道佢意思，我就话，系不系你阿妈都送一条你就舒服啦？系你就等你阿妈生日自己出钱送咯。

讲真，我从大肚到生完bb，到平时喺屋企使用，我钱唔够都系我爸爸妈妈帮补我，小朋友嘅嘢都系我爸爸妈妈买嘅，你阿妈咩都冇，连句好话都唔会讲嘅。我生仔坐月，都系我阿妈全程响屋企，觉得佢为咗我哋，呢几年确实好辛苦噶。送d表示下心意有咩问题？

跟住我老公话，佢阿妈平时都喺帮补比佢，唔知佢讲呢句话系唔系真嘅，我都冇睇过也冇收过。跟住我话，噉你送唔系更理所应当？帮补比你，你都冇比过我啊，我点知你阿妈有冇比你帮补，佢自知理亏又唔讲。

我话我依家自己赚钱，赚嘅比你多，屋企嘅支出，小朋友嘅费用都基本都系我承担，你就赚咁dd钱比你自己用，我比我阿妈买d嘢有同你商量嘅必要咩？

我话，以后边个嘅阿妈边个孝顺，你阿妈冇对我用过心，我自然唔会太有心机去讨好佢，我觉得唔值得。
女仔真系一定要有自己嘅事业同做嘢，一定要识赚钱，千祈唔好靠男人，唔系一d底气都冇，会比婆家整死你~

来自安卓APP客户端