家婆先系PUA最犀利嘅人

小玲玲

冇生仔之前，我哋都系好和睦嘅，生完仔我返工之后佢嚟帮手带，emmm佢就经常呢度唔舒服，嗰度唔舒服，直接话佢唔受得，一辛苦d就病。跟住我睇下佢跳得扎的日日出去玩，睇电视咔咔声笑得又大声过人。

啱将个仔交比佢果阵，就有一次放佢一个小朋友喺梳化度，然后唔睇佢，直接响梳化度跌落嚟，好在个仔冇事，我觉得第一次佢都唔系有心嘅，肯定又唔舒服。我仲安慰佢，个仔冇嘢就好。之后，一下下受伤嘅事屡见不鲜。我唔想见到仔成日受伤，同佢讲d建议，但系佢从来都唔听，仲话以前佢带大我老公都系甘样。

前两日个仔玩个塑料剪刀，佢仲咁细个，唔想比佢玩咁耐惊危险。但系家婆就一直叫佢自己玩，点都讲唔听。我话要比小朋友认清楚乜系危险嘅，唔好一直由住佢。但系家婆睇到个仔哭就唔得，一定要比佢玩。我话我教紧佢，就抢把剪刀过来，佢直接将我手大力拍开，导致个仔吓到一直不停噉喊。。。

真系好几次都有冲动想辞左职喺屋企带仔，但又迫于生活压力，要去翻工，都系要请佢帮手。自己阿妈一直以来身体唔好，三日两头要去医院嘅，都帮唔到手。。。

来自安卓APP客户端

在那方向

自古以嚟婆媳关系就系一条难题，冇标准答案嘅，只能够睇你老公中间点做人

来自安卓APP客户端

冰箱不制冷

个个都难做噶，真系奉劝所有准备要小朋友嘅人，冇能力带就唔好生！老公做阔佬掌柜嗰阵唔好怨家婆唔帮手，比阿嫲带，就唔好对人哋嘅带仔方式指手画脚，有本事生就唔该凭本事自己带，如果唔系，唔好生！！！

来自安卓APP客户端

林哥汤圆

你家婆又冇错啊，你老公都系咁带大嘅

来自安卓APP客户端